هدفي اني اكون سبب بسيط في انه 100 شخص يبيعوا بـ 100 مليون جنيه في السوق المصري
مش مجرد رقم… ده حلم مبني على خبرة حقيقية وتجارب علّمتني إن النجاح مش سباق، النجاح إننا نحل مشاكل حقيقية ونكبر سوا.
من انا ؟
اسمي أحمد عمر، شغلي كله دايمًا كان عن النتائج مش الكلام.
من أول يوم دخلت فيه عالم التسويق، كنت مؤمن إن النجاح الحقيقي مش في الإعلان اللي بيكسب،
لكن في اللي بيخلّي الناس تثق فيك وتشتري منك تاني.
أنا باعتبر نفسي Performance Marketer بالمعنى الكامل للكلمة —
بحب الأرقام بس أكتر بحب القيمة اللي بتتخلق ورا الأرقام دي.
خلال السنين اللي فاتت، اشتغلت على مئات المنتجات،
وكل تجربة كانت خطوة في بناء طريقة تفكير مختلفة بتجمع بين المنطق التجاري واللمسة الإنسانية.
النهارده هدفي بسيط جدًا:
أكون سبب يخلي 100 شخص يبيعوا بـ 100 مليون جنيه في السوق المصري 🔥
البداية (2017)
أنا أحمد عمر عندي 27 سنة، شغال في مجال الـ Digital marketing من 2017 تحديدًا في الـ content writing و Facebook ads.
في أواخر 2018 خدت تجربة جديدة وهي إني أركز في التجارة الإليكترونية لإنها دي أكتر حاجة أنا بشوف فيها نتايج بشكل فعلي.
فلسفة الشغل والإنتاج
وبناءً على الـ mindset اللي كنت شغال فيها من صغري في مصانع وورش،
فـ كان فيه طريقين للشغل:
شغل يومية وهنا أنت بتتحاسب على عدد ساعات العمل،
وشغل إنتاجية وهنا أنت بتتحاسب بناءً على إيه اللي تم إنتاجه بشكل فعلي من خلالك،
وده اللي كنت بحبه أكتر،
ويمكن ده اللي خلاني حبيت الـ performance marketing.
نقطة التحول (2020)
في بداية 2020 مع كورونا قررت إني أبدأ بيزنس التجارة الإليكترونية الخاص بيا،
وكان هدفي بس الفترة دي Make money.
لحد ما أدركت إن ده مش هدف في حد ذاته،
دي نتيجة بناءً على value بتحل مشكلة لأشخاص تانية،
وكل ما قدرت أحل مشكلة لأشخاص تانية بشكل فيه إتقان وإحسان،
كل ما نتيجة الفلوس دي بتكون أسهل وأعلى بكتير من التركيز عليها في حد ذاتها.
خبرة السوق (2020 → 2025)
من 2020 إلى 2025،
وبعد شغل في أكتر من 500 منتج مختلفين عن بعض في السوق المصري،
بدأت أدرك إن المنافسة بمفهومها المعروف لينا مش الشئ الصحي للـ market.
وبدل ما أحط كل تركيزي إزاي آخد جزء أكبر من المنافس عشان أزود الحتة بتاعتي في الماركت،
بدأت أدور على إيه المشكلة الفعلية اللي بتواجه ناس كتير في الماركت ومحدش بيحلها.
المشكلة
اكتشفت إنه فيه جزء كبير من المنافسين وأصحابي اللي شغالين في الـ Performance marketing
شاطرين جدًا في الجزء الـ Digital والـ performance،
ولكن بيواجهوا مشاكل كبيرة في إنهم يلاقوا منتجات كويسة وبجودة كويسة وبكميات وأسعار مناسبة يقدروا يشتغلوا عليها.
وعلى الناحية التانية كتير من الـ Suppliers اللي بتعامل معاهم عندهم مشكلة،
إنهم شاطرين يجيبوا منتجات كويسة وبكميات،
ولكن ماعندهمش Market كبير يستحمل المنتجات دي،
أو بمعنى أصح مش عارفين يوصلوا بشكل مباشر للفئة اللي فوق.
الحل (الفكرة)
ومن هنا جاتلي فكرة إني أكون همزة وصل ما بين الاتنين،
واللي هيحل لكل شخص فيهم مشكلته.
وبدأت أجرب ده بشكل فعلي مع ناس في دايرتي،
وعملوا أرقام كويسة،
وده اللي شجعني إني أبدأ الفكرة بشكل فعلي.
المقالات
Hello world!
Welcome to WordPress. This is your first post. Edit or delete it, then start writing!
تواصل معي الان
ابدا رحلتك لتحقيق احلامك الان